Síðasta föstudag kynntum við fyrir ykkur fyrsta vinavöll GR fyrir komandi tímabil, 2017. Nú er aftur kominn föstudagur og því tilefni til að kynna félagsmönnum vinavöll númer tvö í röðinni – Hamarsvöll hjá Golfklúbbi Borgarness.

Þetta er annað sumarið í röð sem klúbbarnir tveir fara í samstarf en Hamarsvöllur var vel nýttur af félagsmönnum okkar á golftímabilinu 2016. Sömu reglur gilda á Hamarsvelli og gerðu síðasta sumar, félagsmenn GR greiða kr. 1.800 fyrir leik á vellinum og skiptir þá ekki máli hvort leiknar séu 9 eða 18 holur. Áður en leikur hefst skulu félagar GR framvísa félagsskírteini sínu og greiða vallargjald í afgreiðslu.

Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Útbúinn verður bókunarlinkur á síðu GR á www.golf.is undir rástímar – vellir.

Heimasíða Golfklúbbs Borgarness

Hér má sjá loftmyndir af Hamarsvelli

Með góðri kveðju,
Golfklúbbur Reykjavíkur